ਇਜ਼ਰਾਇਲ–ਇਰਾਨ ਸੰਘਰਸ਼ ਦਰਮਿਆਨ ਭਾਰਤੀਆਂ ਨੂੰ ਲੈ ਕੇ ਉਡਾਣਾਂ ਭਾਰਤ ਪਹੁੰਚੀਆਂ
(ਨਵੀਂ ਦਿੱਲੀ, 3 ਮਾਰਚ – ਨਵਨੀਤ ਬੰਸਲ, ਨਿਊਜ਼ ਰੂਮ 7) ਸੰਘਰਸ਼ ਅਤੇ ਜੰਗ ਪ੍ਰਭਾਵਿਤ ਮੱਧ ਪੂਰਬ ਤੋਂ ਇੱਕ ਰੈਸਕਿਉ ਉਡਾਣ ਅੱਜ ਨਵੀਂ ਦਿੱਲੀ ਪਹੁੰਚੀ, ਜਿਸ ਰਾਹੀਂ 300 ਤੋਂ ਵੱਧ ਜੰਗ ਵਿੱਚ ਫ਼ਸੇ ਹੋਏ ਭਾਰਤੀ ਨਾਗਰਿਕਾਂ ਨੂੰ ਵਾਪਸ ਲਿਆਂਦਾ ਗਿਆ। ਦੁਬਈ ਅਤੇ ਅਬੂਧਾਬੀ ਤੋਂ ਸੀਮਿਤ ਵਪਾਰਕ ਉਡਾਣ ਸੇਵਾਵਾਂ ਵੀ ਦੁਬਾਰਾ ਸ਼ੁਰੂ ਹੋ ਗਈਆਂ ਹਨ, ਜਿਸ ਨਾਲ ਪ੍ਰਭਾਵਿਤ ਯਾਤਰੀਆਂ ਨੂੰ ਵੱਡੀ ਰਾਹਤ ਮਿਲੀ ਹੈ। ਕੇਂਦਰ ਸਰਕਾਰ ਨੇ ਵਾਪਸੀ ਦੇ ਯਤਨਾਂ ਨੂੰ ਹੋਰ ਤੇਜ਼ ਕਰ ਦਿੱਤਾ ਹੈ ਅਤੇ ਮਨਿਸਟਰੀ ਆਫ ਹੋਮ ਅਤੇ ਐਕਸਟਰਨਲ ਅਫੇਅਰਜ ਖਾੜੀ ਦੇਸ਼ਾਂ ਵਿੱਚ ਭਾਰਤੀ ਰਾਜਦੂਤਾਂ ਨਾਲ ਪੂਰਾ ਸਹਿਯੋਗ ਕਰ ਰਹੀ ਹੈ ਤਾਂ ਜੋ ਨਾਗਰਿਕਾਂ ਦੀ ਸੁਰੱਖਿਆ ਯਕੀਨੀ ਬਣਾਈ ਜਾ ਸਕੇ। ਹਵਾਈ ਖੇਤਰ ਪਾਬੰਦੀਆਂ ਅਤੇ ਉਡਾਣਾਂ ਦੇ ਰੱਦ ਹੋਣ ਦੇ ਮੱਦੇਨਜ਼ਰ ਕੰਟਰੋਲ ਰੂਮ ਅਤੇ ਹੈਲਪ ਲਾਈਨ ਸੇਵਾਵਾਂ ਵੀ ਸ਼ੁਰੂ ਕਰ ਦਿੱਤੀਆਂ ਹਨ, ਕਿਉਂਕਿ ਇਜਰਾਇਲ ਅਤੇ ਇਰਾਨ ਦਰਮਿਆਨ ਤਣਾਅ ਵਧ ਰਿਹਾ ਹੈ। ਦਿੱਲੀ ਦੇ ਟਰਮੀਨਲ -3 ‘ਤੇ ਪਰਿਵਾਰਕ ਮੈਂਬਰਾ ਆਪਣੇ ਰਿਸ਼ਤੇਦਾਰਾਂ ਅਤੇ ਹੋਰ ਦੋਸਤ ਯਾਤਰੀਆਂ ਨੂੰ ਏਅਰਪੋਰਟ ਗੇਟਾਂ ਰਾਹੀਂ ਬਾਹਰ ਆਉਂਦੇ ਦੇਖ ਕੇ ਭਾਵੁਕ ਹੋ ਗਏ। ਉਨ੍ਹਾਂ ਦੀਆਂ ਅੱਖਾਂ ਵਿੱਚ ਹੰਝੂ, ਫੁੱਲਾਂ ਦੇ ਗੁਲਦਸਤੇ ਅਤੇ ਚਿਹਰਿਆਂ ‘ਤੇ ਖੁਸ਼ੀ ਦੀ ਮੁਸਕਾਨ ਸਾਫ਼ ਦਿਖਾਈ ਦਿੱਤੀ। ਆਉਣ ਵਾਲੇ ਦਿਨਾਂ ਇਸ ਸੰਬੰਧੀ ਵਿੱਚ ਹੋਰ ਸਾਰਥਕ ਕਦਮ ਚੁੱਕੇ ਜਾਣ ਦੀ ਸੰਭਾਵਨਾ ਹੈ।
