ਸਰਕਾਰ ਦਾ ਵਾਮਨ ਅਵਤਾਰ ਮੰਦਰ ਦੇ ਨਿਰਮਾਣ ਦਾ ਭਰੋਸਾ ਦਿਵਾਂਣਾ ਸ਼ਲਾਘਾਯੋਗ ਕਦਮ – ਸੰਤ ਰਾਜਿੰਦਰ ਸਿੰਘ
(ਪਟਿਆਲਾ 14 ਮਾਰਚ – ਸੰਦੀਪ ਕੌਰ ਸਾਹਿਬ ਨਿਊਜ਼ ਰੂਮ ਬਿਊਰੋ) ਪਿਛਲੇ ਕਾਫੀ ਦਿਨਾਂ ਤੋਂ ਪਟਿਆਲਾ ਦੇ ਵਾਮਨ ਅਵਤਾਰ ਮੰਦਰ ਲਈ ਸੰਘਰਸ਼ ਕਰ ਰਹੇ ਪਟਿਆਲਾ ਵਾਸੀਆਂ ਅਤੇ ਭੁੱਖ ਹੜਤਾਲ ਤੇ ਬੈਠੇ ਸਨਾਤਨੀਆਂ ਨੂੰ ਉਸ ਵੇਲੇ ਸਫਲਤਾ ਮਿਲੀ। ਜਦੋਂ ਪੰਜਾਬ ਸਰਕਾਰ ਵੱਲੋਂ ਵਿਧਾਇਕ ਅਜੀਤ ਪਾਲ ਸਿੰਘ ਕੋਹਲੀ ਮੇਅਰ ਕੁੰਦਨ ਗੋਗੀਆ ਅਤੇ ਹੋਰ ਨੁਮਾਇੰਦਿਆਂ ਨੇ ਪਹੁੰਚ ਕੇ ਲਿਖਤ ਚ ਭਰੋਸਾ ਦਵਾਇਆ ਕਿ ਜਲਦ ਹੀ ਇਸ ਮੰਦਰ ਦਾ ਨਵ ਨਿਰਮਾਣ ਸ਼ੁਰੂ ਕਰਵਾਇਆ ਜਾਵੇਗਾ। ਇਸ ਮੌਕੇ ਚੰਡੀ ਮਾਤਾ ਮੰਦਰ ਹੀਰਾ ਬਾਗ ਦੇ ਮੁਖੀ ਸੰਤ ਰਜਿੰਦਰ ਸਿੰਘ ਚੰਡੀ ਦਾਸ ਅਤੇ ਸਮਾਜ ਸੇਵਕ ਕਰਨ ਜੋਤ ਸਿੰਘ ਜਿਨਾ ਨੇ ਭੁੱਖ ਹੜਤਾਲ ਦੇ 23ਵੇਂ ਦਿਨ ਹਿੱਸਾ ਲਿਆ ਸੀ। ਉਹਨਾਂ ਨੇ ਆਪਣੀ ਇੱਛਾ ਸ਼ਕਤੀ ਰਾਹੀਂ ਸਮੂਹ ਸਨਾਤਨੀਆਂ ਨੂੰ ਇਹ ਯਕੀਨ ਦਵਾਇਆ ਸੀ, ਕਿ ਭਵਿੱਖ ਵਿੱਚ ਜਲਦੀ ਹੀ ਇਸ ਮੰਦਰ ਦਾ ਨਿਰਮਾਣ ਜ਼ਰੂਰ ਸ਼ੁਰੂ ਹੋਵੇਗਾ। ਅਗਰ ਪ੍ਰਸ਼ਾਸਨ ਜਾਂ ਸਰਕਾਰ ਵੱਲੋਂ ਕੋਈ ਵੀ ਆਨਾ ਕਾਨੀ ਕਰਨ ਦੀ ਸੂਰਤ ਵਿੱਚ ਉਹਨਾਂ ਨੇ ਅਗਨੀ ਸਮਾਧੀ ਲੈਣ ਦਾ ਵੀ ਪ੍ਰਣ ਕੀਤਾ ਸੀ। ਸਾਰੇ ਹੀ ਸਨਾਤਨੀਆਂ ਦੇ ਇਸ ਪ੍ਰਦਰਸ਼ਨ ਨੂੰ ਬਲ ਮਿਲਿਆ ਅਤੇ ਸਰਕਾਰ ਨੇ ਮੰਦਰ ਦੇ ਨਿਰਮਾਣ ਦਾ ਮੁੱਦਾ ਜਲਦੀ ਹੀ ਹੱਲ ਕਰ ਦਿੱਤਾ। ਜਿਸ ਲਈ ਸਾਰੇ ਹੀ ਸਨਾਤਨੀ ਵਧਾਈ ਦੇ ਪਾਤਰ ਹਨ। ਉਨਾਂ ਇਹ ਵੀ ਕਿਹਾ ਕਿ ਅਗਰ ਸਰਕਾਰ ਆਪਣੇ ਫ਼ੈਸਲੇ ਤੋਂ ਮੁਕਰ ਦੀ ਹੈ ਤਾਂ ਉਹ ਜ਼ਰੂਰ ਅਗਨੀ ਸਮਾਧੀ ਲੈਣਗੇ ਤੇ ਅਗਰ ਸਰਕਾਰ ਇਸ ਫੈਸਲੇ ਤੇ ਅਟੱਲ ਰਹਿੰਦੀ ਹੈ ਤਾਂ ਪੰਜਾਬ ਸਰਕਾਰ ਬੁਹਤ ਵਧਾਈ ਦੀ ਪਾਤਰ ਹੈ।
ਫ਼ੋਟੋ ਗੈਲਰੀ – ਸੰਤ ਰਾਜਿੰਦਰ ਸਿੰਘ ਅਤੇ ਕਰਨਜੋਤ ਸਿੰਘ ਵਾਮਨ ਅਵਤਾਰ ਮੰਦਰ ਵਿਖੇ ਨਤਮਸਤਕ ਹੁੰਦੇ ਹੋਏ।
