ਸੋਨੇ ਚਾਂਦੀ ਅਤੇ ਸ਼ੇਅਰ ਮਾਰਕੀਟ ਵਿੱਚ ਭਾਰੀ ਗਿਰਾਵਟ ਨਾਲ ਆਈ ਸੁਨਾਮੀ… ਲੋਕਾਂ ਨੂੰ ਹੋਇਆ ਭਾਰੀ ਆਰਥਿਕ ਨੁਕਸਾਨ
ਪੇਸ਼ ਹੈ ਕੱਲ 19 ਮਾਰਚ ਨੂੰ ਹੋਏ ਆਰਥਿਕ ਨੁਕਸਾਨ ਦੀ ਰਿਪੋਰਟ
(ਦਿੱਲੀ 20 ਮਾਰਚ – ਜਸਵਿੰਦਰ ਜੁਲਕਾ ਨਿਊਜ਼ ਰੂਮ ਬਿਊਰੋ) ਅਮਰੀਕਾ ਅਤੇ ਖਾੜੀ ਦੇਸ਼ਾਂ ਦਰਮਿਆਨ ਚੱਲ ਰਹੇ ਯੁੱਧ ਦੇ ਕਾਰਨ ਕਲ ਭਾਰਤੀ ਸਰਾਫਾ ਅਤੇ ਸ਼ੇਅਰ ਬਾਜ਼ਾਰ ਅਉਂਧੇ ਮੂੰਹ ਡਿੱਗੇ। ਕੱਲ ਭਾਰਤੀ ਘਰੇਲੂ ਸਰਾਫਾ ਬਾਜ਼ਾਰ ਵਿੱਚ ਚਾਂਦੀ 20,034 , ਸੋਨਾ 6,990 ਅਤੇ ਸ਼ੇਅਰ ਮਾਰਕੀਟ ਦਾ ਸੈਂਸੈਕਸ 2496.89 ਅੰਕ ਤੱਕ ਡਿੱਗ ਗਿਆ। ਜਿਸ ਨਾਲ ਸੋਨੇ, ਚਾਂਦੀ ਅਤੇ ਸ਼ੇਅਰਾਂ ਵਿੱਚ ਭਾਰੀ ਗਿਰਾਵਟ ਨਾਲ ਸੁਨਾਮੀ ਆ ਗਈ। ਜਿਸ ਨਾਲ ਕੱਲ ਇੱਕ ਦਿਨ ਵਿੱਚ ਹੀ ਲੋਕਾਂ ਦੇ ਸ਼ੇਅਰ ਮਾਰਕੀਟ ਵਿੱਚ 12, 87, 273.89 ਕਰੋੜ ਰੁਪਏ ਡੁੱਬ ਗਏ ਤੇ ਸੋਨੇ ਚਾਂਦੀ ਦੇ ਰੇਟਾਂ ਵਿੱਚ ਗਿਰਾਵਟ ਨਾਲ ਵੀ ਲੋਕਾਂ ਨੂੰ ਕਾਫੀ ਆਰਥਿਕ ਨੁਕਸਾਨ ਝੱਲਣਾ ਪਿਆ। ਅਮਰੀਕਾ ਵਿਚ ਵਿਆਜ ਦਰਾਂ ਨਾ ਘਟਣ, ਡਾਲਰ ਦੇ ਮਜਬੂਤ ਹੋਣ ਅਤੇ ਕੱਚੇ ਤੇਲ ਦੀ ਕੀਮਤ 116 ਡਾਲਰ ਪ੍ਰਤੀ ਬੈਰਲ ਤੱਕ ਪਹੁੰਚਣ ਨਾਲ ਭਾਰਤੀ ਬਾਜ਼ਾਰ ਦਾ ਸਾਰਾ ਆਰਥਿਕ ਸਮੀਕਰਨ ਵਿਗੜ ਗਿਆ ਹੈ। ਜਿਸ ਨਾਲ ਬਾਹਰੀ ਅਤੇ ਭਾਰਤੀ ਨਿਵੇਸ਼ਕ ਸ਼ੇਅਰ ਮਾਰਕੀਟ ਵਿੱਚੋਂ ਆਪਣਾ ਪੈਸਾ ਕੱਢ ਰਹੇ ਹਨ। ਐਕਸਪਰਟ ਦੇ ਮੁਤਾਬਿਕ ਜਦੋਂ ਤੱਕ ਮਹਿੰਗਾਈ ਘੱਟ ਨਹੀਂ ਹੁੰਦੀ ਅਤੇ ਬਾਜ਼ਾਰ ਵਿੱਚ ਸਥਿਰਤਾ ਨਹੀਂ ਆਉਂਦੀ। ਉਦੋਂ ਤੱਕ ਬਾਜ਼ਾਰ ਵਿੱਚ ਮੰਦੀ ਅਤੇ ਅਸਥਿਰਤਾ ਦੀ ਸਥਿਤੀ ਇਸੇ ਤਰ੍ਹਾਂ ਬਣੀ ਰਹੇਗੀ।
ਇਸ ਦੇ ਨਾਲ ਹੀ ਅੱਜ ਭਾਰਤੀ ਨਿਵੇਸ਼ਕਾਂ ਲਈ ਇੱਕ ਚੰਗੀ ਖਬਰ ਆਈ ਜਦੋਂ ਕਿ ਸੋਨੇ ਅਤੇ ਚਾਂਦੀ ਦੇ ਰੇਟਾਂ ਵਿੱਚ ਅੱਜ ਥੋੜੀ ਜਿਹੀ ਤੇਜ਼ੀ ਦੇਖੀ ਗਈ।
