ਇੱਕ ਵਾਰ ਫਿਰ ਤੋਂ ਬਰਫ ਅਤੇ ਬਾਰਿਸ਼ ਨਾਲ ਗੁਲਜ਼ਾਰ ਹੋਇਆ ਕਸ਼ਮੀਰ
(ਸ੍ਰੀਨਗਰ 11 ਮਾਰਚ ਜਸਵਿੰਦਰ ਜੁਲਕਾ ਨਿਊਜ਼ ਰੂਮ ਬਿਊਰੋ) ਜੰਮੂ ਤੇ ਕਸ਼ਮੀਰ ਵਿੱਚ ਇੱਕ ਵਾਰ ਫਿਰ ਤੋਂ ਮੰਗਲਵਾਰ ਦੀ ਰਾਤ ਅਤੇ ਬੁੱਧਵਾਰ ਦੀ ਸੜਕ ਸਵੇਰ ਨੂੰ ਪਿਛਲੇ ਕਾਫੀ ਸਮੇਂ ਤੋਂ ਜਾਰੀ ਸੁੱਕੇ ਮੌਸਮ ਦਾ ਅੰਤ ਤਾਜ਼ਾ ਬਰਫਬਾਰੀ ਅਤੇ ਮੀਹ ਨਾਲ ਹੋਇਆ ਹੈ। ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਉੱਤਰੀ ਕਸ਼ਮੀਰ ਦੇ ਗੁਰੇਜ਼ ਅਤੇ ਮੱਧ ਕਸ਼ਮੀਰ ਦੇ ਸੋਨਮਰਗ ਜੋ ਜਿਲਾ ਮਾਰਗ ਵਰਗੇ ਉੱਚੇ ਇਲਾਕਿਆਂ ਵਿੱਚ ਮੰਗਲਵਾਰ ਰਾਤ ਅਤੇ ਬੁੱਧਵਾਰ ਦੀ ਸਵੇਰ ਤੋਂ ਤਾਜ਼ਾ ਬਰਫਬਾਰੀ ਸ਼ੁਰੂ ਹੋਈ ਅਤੇ ਨਿਚਲੇ ਇਲਾਕਿਆਂ ਵਿੱਚ ਕਾਫੀ ਤੇਜ਼ ਮੀਂਹ ਵੀ ਪਿਆ। ਜਦੋਂ ਕਿ ਇਸ ਵਾਰ ਬਾਰਿਸ਼ ਦਸੰਬਰ 2025 ਤੋਂ ਫਰਵਰੀ 2026 ਤੱਕ ਆਮ ਨਾਲੋਂ 65 ਘੱਟ ਰਹੀ। ਇਸ ਦੌਰਾਨ ਜੰਮੂ ਤੇ ਕਸ਼ਮੀਰ ਵਿੱਚ 106 ਮਿਲੀਮੀਟਰ ਮੀਹ ਪਿਆ। ਜਦੋਂ ਇਸ ਸਮੇਂ ਦੌਰਾਨ 284 ਮਿਲੀ ਮੀਟਰ ਮੀ ਪੈਂਦਾ ਹੈ। ਇਸ ਤਰ੍ਹਾਂ ਦਸੰਬਰ ਅਤੇ ਜਨਵਰੀ ਵਿੱਚ ਕ੍ਰਮਵਾਰ 78 % ਤੇ 73% ਮੀਹ ਦੀ ਕਮੀ ਰਹੀ ਅਤੇ ਇਸ ਵਾਰ ਕਸ਼ਮੀਰ ਦੇ ਨਿਚਲੇ ਇਲਾਕਿਆਂ ਵਿੱਚ ਬਰਫਬਾਰੀ ਬਹੁਤ ਲੇਟ ਅਤੇ ਘੱਟ ਪਈ।
